يوم اليتيم
بقلم: Ahmed Kashwa | يُصنف في: خــــــو ا طـــــــر, مــــــن فــــــات قــــديــمــة | التاريخ: 03-04-2009
5
يوم اليتيم
يوم حب
يوم عطف
يوم حنان
يوم ضحكه
يوم ابتسامه
هو مش مجرد يوم
ده يوم تلاقى فيه اسمى المشاعر
يوم تلاقى فيه الحب
حب يدق على الابواب
حب يدخل بين الاغراب
حب تحسه فى كل همسه
حب تلمسه فى كل حركه
همسه وحركه من كل طفل
طفل كان محتاج للعطف
عطف ضاع من زمان
عطف من اخ واخت
عطف من اب وام
عطق يحسس قلبه بالحنان
حنان يفرح
حنان يقلب الدمعه ضحكه
حنان يقلب الحزن فرح
حنان يقلب الضعف قوه
حنان يعلم معنى الضحكه
الضحكه لما تكون من جوه القلب
الضحكه لما تترسم على وش طفل
الضحكه لما تكون امل فى بكره
الضحكه لما تكون خارجه بصدق
الضحكه اللى تدوم طول اليوم
بس هل هيبقى مجرد يوم
هل هيبقى مجرد لحظه فرح
ولا ناوين نرجع ونتقابل بابتسامه
ابتسامه تشوفها فى عين
ابتسامه تحسه جوه كل قلب
ابتسامه نشوفها
نحفظها
نعشقها
فى كل الاوقات
ابتسامه خارجه من جوه طقل
طفل لما يشوفك يتعلق بيك
يشوفك تانى يحبك
يشوفك تالت يعشق تفاصيل وشك
يشوفك رابع تكون جزء من حلمه
يشةفك خامس تكون ليه معنى للسعاده
يشوفك سادس تكون امل ليه فى بكره
يشوفك سابع تكون اجمل هديه لقلبه
يشوفك ثامن تكون فرحه فى يوم حزن
يشوفك عاشر تكون ليه فيها اجمل اخ
فياترا هتشوفكه كام مره
هتبقى بجد اخ واخت وام واب
ولا بس هنبقى مجرد ذكرى فى يوم
برافو عليك احنا مبنفتكرهمش غير في اليوم ده
مع انهم محتاجينا دايما
يمكن محتاجين للمسة ايديك بس محتاجينها تحسسهم بالامان
محتاجين حد يرسم الضحكه في عيونهم
انا عن نفسي مبستحملش ابص في عين اليتيم
بجد احساسها صعب اوووووووووووي
Ahmed Kashwa Reply:
April 13th, 2009 at 00:32
النظر فى عين اليتيم متعه كبيره لما يكون فرحان
او لما تكون انت السبب فى فرحته
انما لو التانيه
بيكون اصعب كتير اوى
وبيكون الم وجرح كبير
يارب ديما نكون سبب فى فرحه طفل يتيم
كلام جميل جدا لا هو مش كلام هو احساس ياريت الكل يحس بيهم ؛
لو الانسان فكر شويه فى غيره مش كل حاجه لنفسه وبس هيحس بناس كتير واولى الناس بالاحساس اليتيم طبعا
وعلى فكره الناس دى لو حست فعلا هتلاقى ناس حواليها مش يتيمه اب وام بس لكن يتيمه مشاعر واحساس سواء من قريب او غريب يمكن تكون انانية البنى ادم بتيتم الناس اللى مسئوله منه ؛
كلام فعلا يجزيك ربك عليه
جزاك الله كل خير
Ahmed Kashwa Reply:
August 3rd, 2009 at 01:47
@shoshet,
شكرا يا فندم على الدعوه الجميله
وربنا يوفق حضرتك باذن الله
أنا بصراحه شايفه أصعب ابتلاء من ربنا ان الانسن يبقى يتيم وخاصه لما يبقى لطيم
وبحسها فى اعز صحباتى وبتوجعنى أوى وهى بتكلم عن مامتها وتحكى عنها وهى قلبها مفطور عليها
للاسف اه ممكن الاطفال اى حد يعوضهم الاحساس ده بالاهتمام لان الاطفال مابيدركوش حاجه زى دى واى حد بيعاملهم كويس بيحبوه
لكن الانسن لما بيكبر بيبقى اشد احتياج للاحساس ده
انا لو ربنا اخد كل حاجه كفايه عليا ابويا وامى اكبر نعمه فى الدنيا
شكرا يابشمهندس على الموضوع الرائع
جزاك الله خيرا ً