After MIDTERM EXAMS
Friday, April 17, 2009 15:30
(No Ratings Yet)
Loading ...المفترض ان الموضوع ده يكون تقرير عن الامتحانات واللى حصل لى فيها
بس بما انى مش عاوز ارجع بالذاكره لشئ انا عاوز انساه
بس برده كنت وعدت ناس ان هكتب التوبيك ده
نقول بقى
الحمد لله دخلنا اسبوع الميدترم
الناس اللى من بره هندسه المنصوره
ده بيكون غالبا 10% من الدرجه بتاعه الماده او اقل او اكتر على حسب كل دكتور
المهم بقى
لو قولنا كتقيم لنفسى قبل دخول الامتحانات
كان فعلا وقت مش ظريف جدا
حاله نفسيه مش كويسه
تركيز تقريبا كان 20% من التركيز الكلى
يعنى لو اعتبرنا الموضوع منظومه تحكم
يبقى دخل النظام كان غير مستقر تماما
بعد الامتحانات
تقريبا بقيت احسن شويه
مش علشان حليت او مش حليت
برده فى حاله عدم استقرار فى الخرج بتاع المنظومه
المشكله كلها فى وسيله التحكم اللى كانت ايام الامتحانات
من الواضح انها كانت غير فعاله مطلقا
عموما من الوقتى شويه ريفرش وبعدين نغير نظام التحكم
وربنا يسهل بقى
ونعمل نظام جديد كويس ومستقر على الامتحانات اللى جايه
دعواتكم
واتمنى اى حد يعلق على امتحانه كان ازاى وعامل ايه؟؟؟؟؟؟؟؟؟؟؟؟؟؟
الجزار قال:
5 May, 2009 الساعة 01:42
انا عن نفسي حليت على قد ما ذاكرت مش على قد فهمى للمواد
يا ريتها كانتعلى قد الفهم للمواد
Ahmed Kashwa قال:
5 May, 2009 الساعة 02:08
@الجزار
يلا بقى ياريت نشد حلينا
الامتحانات خلاص تقريبا دخلت
اهلا بيك للمره الاولى فى مدونتى
رحلة العمر قال:
6 May, 2009 الساعة 11:10
الحمدلله خلصت خلاص من الامتحانات
وربنا يقدرنا ونخلص من اللي بعدهم
اتمنى ليكم التوفيق
Ahmed Kashwa قال:
6 May, 2009 الساعة 20:05
@رحله العمر
الحمد لله عقبال لما نشوف الدكتوراه منوره الدنيا
وعوده حميده لارض الوطن ان شاء الله
وعقبالى انا كمان يارب