رعشه قلب
Sunday, May 3, 2009 19:56
(No Ratings Yet)
Loading ...بجد مش عارف ليه كنت مصر اكتب البوست ده
يمكن لانى وعدت نفسى انى اعمل المدونه دى فيها كل شئ عن حياتى
يمكن فى يوم احب ارجع ليها وتكون ذكرى كويسه او حزينه
بس البوست ده هتكون للاسف حزينه
او بمعنى ادق بلا مشاعر
صراع كبير فى حياتى الوقتى انى اعيشها بلا مشاعر
قلبى بقى هو اللى بيدفعنى للحياه بدون ادنى المشاعر
يمكن زمان كنت ديما بقول ان الحب هو اللى بيدى للمشاعر المعنى
بيخلينا نشعر بالفرح وبرده الحزن
كنت بوصف الحب ان الشئ الواحد القادر انه يخلى للمشاعر الانسانيه معنى واحساس
المره دى للاسف خلاص يمكن مش قادر احس
مش قادر يكون لى مشاعر
قلبى اللى كان كل الناس بتقول عليه قلب يعلم الناس ازاى تحب
فقد خلاص اخر همسه حب
باقى فيه قطرات من الحب
خايف من البكاء يمكن تكون الدموع هى اخر قطرات الحب
قلبى بقى خلاص دافع قوى علشان اعيش من غير حب
ويمكن الاعجب انى مش قادر اوصل للقرار ده
لان عقلى بعد ما امتلك الحب كل كيانى وامتلك عقلى من فتره
هو الوقتى اللى بيقول لى اوعى تستلم لهزيمه المشاعر
لازم تعيش بالحب
لازم يكون فى قلبك حب كبير
ترجع تعلم الناس منه الحب
بجد حاسس انى واقف على خط فاصل
مش قادر ارجع احمد اللى بيحب ولا برده قادر اتخلص من معنى الحب
انا عارف انا فين
واقف بين نارين
نار بتقول خلاص الحب انتهى
ونار بتقول مستحيل تقدر تعيش من غير الحب
اوقات اتمنى انى اكون مش خليت الحب فى كل مكان فى كيانى
واوقات تانيه بحمد ربنا ان لسه فى عقل على الاقل بيقاوم ان اعيش بدون مشاعر
مش عارف فين الحب اللى كان فى حياتى
ابسط الاشياء اللى كانت بتفرحنى مش لاقيها
مش عارف هى فين
مش عارف هل فعلا انا هرجع لدنيا احمد اللى كان بيحبها
ولاهروح لدينا انسى فيها ابسط معنى للحب
انسى فيها ان المشاعر بتاخد معنها من الحب
يمكن الشئ الوحيد اللى لسه قادر احس بيه
مراره الايام اللى بعيشها الوقتى
والقرار الوحيد اللى قادر عليه
انى اشتغل علشان بس لما اتعب مش الاقى فى عيون الناس نظره عطف على انى مجروح القل
بجد مش عارف انا بعمل ايه
ومش عارف انا ليه بكتب
ديما كان حتى الحب فى حياتى مرتبط بالله
بس فعلا مش قادر ارجع والاقى الحب
خايف اقول اى كلمه حب
علشان مش اظلم الشخص اللى بيسمعها وتكون من ورا قلبى وتكون بعقلى وبس
اتهامات كتير شوفتها
مرت على قلبى اللى بيحس بالالم والفرح من ابسط الاشياء
قسوه كبيره
جرح كبير
يمكن كلها كانت بدون قصد
حاولت كتير ارجع
طلبت من الناس المساعده
بس للاسف اتفهمت كتير غلط
اتفهمت انى انانى
اتفهمت انى مش بحب غير احمد وبس
مش عارف هو من امته احمد بيعيش ليه
مش عارف هو من امته كان حب احمد للناس هم وحزن
مش عارف هل فعلا انا بس موجود مع الناس علشان اوفى بوعود اخدتها
مش عارف هل فعلا انا موجود مع الناس علشان عقلى عاوز كده
خايف اقول اى كلمه تتفهم غلط
حتى محاولات الترميم اللى فاتت كلها فشلت
ولقيت نفسى من يومين بجد كاتب كلمه رعشه قلب
مش عارف ازاى حاسس ان قلبى مش فى مكانه
مش عارف ازاى حاسس ان بجد مش لاقى لى مكان غير انى اكون مجروح
مش عارف اصدق احساس ان اقرب الناس بتشوفى ديما جارح
خايف فى يوم اندم انى حبيت كلمه عقلى مصر عليها
للاسف حتى قلبى اللى ملى الدنيا فى يوم حب
حب بدا من حب الله
وصل لحب الناس
فى يوم كان اساس وقفت عليه حياتى
بس النهارده مش لاقيه
بدور على مفرداته مش عارف مكانه
مش عارف هل انا فعلا خلاص مش استاهل الحب
ولا الحب فعلا زى ما ناس كتير بتقول ان مكانه اكبر من انه يتواجد بين البشر
بجد انا عارف انى عملت حياتى كلها على الحب
حب الناس لى
وحبى ليهم
الوقتى مش لاقى حد بيحبى
حتى اللى بيعلموا ده حاسس انهم بيعملوه مجالمه ليوم كويس احمد كان فيه حد كويس
حبى ليهم
خايف اعبر عنه علشان مش يكون ظالم ليهم
وصلنى منهم ان حبى ديما بيسبب مشاكل وحرج
يبقى ليه اقول ليهم بحب
بجد ولمره من المرات القليله اللى اسيب فيها نفسى لربى وللزمن
واثق فى ربى
بس بجد اصعب طعم طعم المراره فى كل شئ
لما تحسه فى كلمه بتقولها لحد
لما تحسه فى طعم حاجه بتعملها لاحب القلوب
اوقات بتمنى انى اكون فى حلم
وارجع تانى لورا
بس ارجع واخاف
هل هرجع لقلب ما احكم على حياتى بالحب
ولا هرجع لوقت كان الحب فيه فى كل مكان فى حياتى
خايف من الرجوع فى الحالتين
عقلى خايف من الاولى علشان مش احمد على نفسى بنسيان المشاعر والحب
وقلبى خايف من التانيه علشان التعب مش يرجع
بجد بقيت خايف على احمد من كلامات كتير
مرات قليله بعرف معناها
خايف عليه من الانكسار
خايف عليه من الانيهار
خايف عليه من كلمه قاسيه تفرج جواه بركان
خايف عليه من كلمه جارحه تخلى زى الطير المدبوح
مشكلتى انى خايف على نفسى مش اشياء وفى نفس الوقت مقتنع انها فعلا حصلت لى
بجد تايه فى حياه كان شئ فيها
under my control
سورى هقفل التعليقات على البوست ده
ولاول مره بعلمها
