|
Jun
12
|
البوست ده اتكتب من شهر بالظبط
”
هو تقريبا مود الامتحانات ماثر اوى
بس النهارده مش حبيت يعدى كده وخلاص
وخصوصا انه يوم مشهود فى تاريخ البشر
النهارده يوم 12/5 بعد 6 شهور من يوم ميلادى رقم عشرين
حبيت النهارده اهنى نفسى باليوم ده وافتكر
ويمكن اكون اول واحد يحتفل بالبتاع ده
بس بجد كانت فرصه كويسه انى اقعد مع نفسى وارجعها فى الست شهور اللى فاتت دى عملت ايه
وحققت ايه من اللى كنت بتنماه فى حياتى
وشويه مصالحه مع النفس بقى
وكمان كان فى شويه صراحه
ودعيت شويه ان يكون الفتره اللى فاتت ما بعد العشرين عام تكون احسن كتير
ويارب يكون الفتره اللى جايه احقق اللى كنت بتمناه فى السنه دى
ربنا يكرم بقى ويعدى فتره الامتحانات دى على خير
ويارب كل يشوف البوست ده يراجع نفسه ويشوف هو عمل ايه فى عامه الجديد
وفى اخر البوست احب اوجه شكرى للساده المسؤلين واطالب بحقى فى عروسه حلوه بما انى بقيت 20 سنه ونصف
ملحوظه صغيره
بعد ما نزلت التوبيك وفى شخص شافه قال لى ان كده هما خمس شهور مش سته
بس انا خلاص احتفلت مش معقول ارجع فى احتفالى
الافضل انهم هما اللى يغيروا التاريخ
استودعكم الله.
“
المفروض انه كان يتكتب النهارده
علشان كده عدلت التاريخ
12 May, 2009 في الساعة 23:58
ياسيدي يا سيدي كل سنة وانت
طيب وعقبال الف ونص
مش تفكر في العروسة ملاك بنتي
احلى عروسة ليك
مش بيقول كدا بردو اخطب لبنت ومش تخطب لابنك
بس مهرها غالي شوية حضر من دلوقتي
ويمكن التقصيد كمان
كل سنة وانت اجن واجن بس حنقول ايه اخوية
ولازم استحمل جنانك
وكل نص سنة وانت نص طيب
ونص ونص و………………………
12 May, 2009 في الساعة 23:59
اه نسيت هديتك
لما تجيب الى عليك بقى
13 May, 2009 في الساعة 00:07
كل نص سنة وانت طيب
و عقبال ما نشوفك عريس , بس مش قبلى بقى
ربنا يوفقنا جميعا فى الأمتحانات
13 May, 2009 في الساعة 16:51
كل شهر وانت طيب بقه وترضى عن نفسك ويرضى عنك ربنا
وعقبال يارب ماتحقق كل امانيك تنجح وتشتغل وتتجوز وتخلف وتجوز ولادك كمان
ويارب تكون ايامك كلها خير في خير
انا كمان احتفلت بعيد ميلادي بس قبلك بيومين
وخلاص بقه حققت كتير من اللي كنت بحلم بيه
انما ربنا يدينا الصحه ويرضينا ويرضى علينا
13 May, 2009 في الساعة 18:27
يلا حالا بالا بالا حيو ابو الفصاد
هيكون عيد ميلاده و نص اجمل الاعياااااد
فليحيا ابو الفصااااااااااااااد
هييييييييييييييييييييييييييييييييييييييييييييييييي
كل نص سنة وانت طيب يا باشمهلوس احمد
ةيارب ايامك الجاية تكون احلى من اللى فاتت بكتيييييييييييييييييييييييير
واتمنى ان فترة امتحاناتك دى تعدى بسلااااااااااااااام
وبلاش عروسة دلوقتى خليها فى نص السنة الجاية
يعنى على عيد ميلادك النصف سنوى القادم بعد ست شهور باذن الله
بس انت عايز عروسة حلوة ولا عروسة حلاوة؟؟؟؟؟
16 May, 2009 في الساعة 01:01
ألف مبروك يا قشوع على 20 سنة ونص إلا شهر .. فكرة جديدة
بس مش عايزك كمان شهر تيجي تحتفل تاني بـ 20 سنة ونص
26 May, 2009 في الساعة 09:06
كل سنة وانت طيب يا ابو حميد
ويا سيدى عقبال مليون سنة
معلش هى متاخرة شوية بس انت عارف انى مشغولة على طول
يا رب تكون كويس
وشد حيلك وطمنا عليك عامل ايه فى الامتحانات